கட்டுமானப் பணியின் போது கட்டடம் இடிந்து விழுந்ததில் 3 பேர் பலி

சென்னை சேத்துப்பட்டில் உள்ள ஸ்பர்டாங்க் சாலையில் புதிதாக ஹோட்டல் கட்டடம் கட்டும்பணி ஒன்று நடந்து வந்தது. இந்நிலையில் இன்று மாலை சுமார் 5 மணியளவில், கட்டடம் கட்டும் பணி மும்முரமாக நடந்த போது, எதிர்பாரத விதமாக கட்டம் திடீரென்று இடிந்து விழுந்தது.

இந்த விபத்தில், கட்டுமானப்பணியில் இருந்த 3 பேர் பரிதாபமாக உயிரிழந்தனர். மேலும், படுகாயமடைந்த 2 பேர் மீட்கப்பட்டு மருத்துவமனைக்கு அனுப்பி வைக்கப்பட்டனர்.

இது குறித்து தகவலறிந்து சம்பவ இடத்துக்கு விரைந்த போலீசார், கட்டடம் இடிந்து விழுந்ததற்கான காரணங்கள் குறித்து விசாரணை நடத்தி வருகின்றனர். மேலும், இடிபாடுகளில் யாரும் சிக்கியுள்ளார்களா என்றும் தேடி வருகின்றனர்.

You might also like More from author