Martin Guptill: டி20 தொடரிலிருந்து நியூசி., வீரர் கப்டில் திடீர் நீக்கம்

நியூசிலாந்து கிரிக்கெட் அணியின் தொடக்க வீரர் மார்ட்டின் கப்டில் காயம் காரணமாக இந்திய அணிக்கு எதிரான டி20 தொடரிலிருந்து நீக்கப்பட்டுள்ளார்.

நியூசிலாந்து சென்றுள்ள இந்திய கிரிக்கெட் அணி 5 ஒருநாள் போட்டிகள் கொண்ட தொடரில் விளையாடியது. இதில் 4-1 என வெற்றி பெற்றது. இதைத் தொடர்ந்து நியூசிலாந்து அணிக்கு எதிரான டி20 தொடரில் விளையாடுகிறது.

3 போட்டிகள் கொண்ட இத்தொடர் நாளை வெல்லிங்டனில் தொடங்குகிறது. இந்நிலையில், இத்தொடரிலிருந்து நியூசிலாந்து அணியின் தொடக்க வீரர் மார்ட்டின் கப்டில் நீக்கப்படுவதாக அறிவிக்கப்பட்டுள்ளது.

அவர் முதுகில் ஏற்பட்ட காயத்துக்கு சிகிச்சை பெற இருப்பதால் அவர் விளையாட முடியாத நிலையில் அணியிலிருந்து நீக்கப்படுவதாகத் அந்நாட்டு கிரிக்கெட் கவுன்சில் தரப்பில் தெரிவிக்கப்பட்டுள்ளது. நேற்று நடைபெற்ற உடற்தகுதி சோதனையிலும் அவர் தேரவில்லை.

ஆல்ரவுண்டர் ஜேம்ஸ் நீஷம் கப்டிலுக்குப் பதிலாக அணியில் இடம்பெற உள்ளார். வரும் பிப்ரவரி 13ஆம் தேதி நடக்கும் மற்றொரு உடற்தகுதி சோதனையில் வெற்றி பெறாவிட்டால், அடுத்து வரும் வங்கதேச அணிக்கு எதிரான ஒருநாள் தொடரிலும் கப்டில் கழற்றிவிடப்படுவார்.

You might also like More from author